Pas skandalit të djeshëm tek Spitali Onkologjik, deputeti i PD-së, Arbi Agalliu, ka dorëzuar ditën e sotme në Kuvend kërkesën për interpelancë me ministren e Shëndetësisë.
Përmes një postimi në Facebook, Agalliu thotë se është domosdoshmëri dhe jetike të bëhet menjëherë transparencë dhe të kuptohen arsyet se pse nuk funksionon sistemi i mbrojtjes së pacientëve.
Postimi i Arbi Agalliut:
Sot dorëzova kërkesën për interpelancë me Ministren e Shëndetësisë.
Është domosdoshmëri dhe jetike të bëhet menjëherë transparencë përpara qytetarëve shqiptar.
Duhet të qartësohen arsyet pse nuk ka funksionuar sistemi i mbrojtjes së pacientëve dhe pse kjo skemë korruptive ka kaq kohë që funksionon.
Në fakt kjo është shëndetësia falas dhe nuk mund të jetë ndryshe kur vendi është i mbuluar nga korrupsioni.
